[媒體報導] 港男創Beer Pong酒吧恩物 250枱對戰方便識女仔

Source: http://nextplus.nextmedia.com/topics/StartUp/20170925/550427
媒體: 壹週Plus

「投杯球(Beer Pong)呢個遊戲源至美國,有近六十年歷史。近年多咗海外留學生番嚟香港,就帶埋個遊戲番嚟。」Atalon Ventures(International)Limited聯合創辦人葉嘉興(Steven)於澳洲回港後認識了另外數名在美國回來的朋友,大家由拿著乒乓球、目光對準膠杯;演變成集資近七百萬、把目標放眼在活化遊戲。成功以未夠一年的時間設計出集軟硬件一身的電子計分枱PONGConnect,配以強勁聲效及燈光,把遊戲及夜場氣氛推向更高點。自家手機app更設世界排名榜,大家除了可按每次成績作檢討,也能於程式內聯絡過往對手聊天再對戰。

我點sell? 古老遊戲實體電競化

Beer Pong基本玩法只需長枱一張、一堆乒乓波及二十隻杯。「玩法係雙方於自己前方放置十隻杯,目標將乒乓波投入對方隻杯,被投中嘅要將杯移走,十分鐘內最快清晒對方嘅杯就勝出。」Steven指遊戲看似簡單,其實已發展到有World Series of Beer Pong國際巡迴賽,因此設備更應與時並進。「PONGConnect枱上有十一個獨立接收器,喺杯同乒乓球內都植入咗特別晶片,一入球就會有反應及計分。」產品最忌閉門造車,Steven因此膽粗粗地在銅鑼灣開設自家酒吧作試點,地場長期放置四張最新版本的電子枱,以測試市場反應。「我哋已經叫佢做實體電競,因電競係打機,望住螢幕打機,而Beer Pong都需要技術較量,要靠平時練習先有好成績。」其將於十一月尾在麥花臣場地舉辦第二季大型Beer Pong比賽,預計有一千人參與,並已邀請了海外的頂級玩家來做表演賽。

打救本土酒吧業

「遊戲係免費,但玩家需要購買酒精飲品,一般酒吧及場所收費大概係一百六十蚊一大瓶酒,輸咗嗰方要比錢。」直言產品也受土地問題影響的Steven指,現時香港雖已有五十個場地包括Neway及私人場所租機,超過八十部機在運作,但此成績絕對得來不易。「好多酒吧較細,要放一張兩米四長嘅枱係有困難。加上好多傳統酒吧老闆認為每個月要比四千五百蚊好貴,但佢哋無諗過呢筆租金可以幫助翻到十倍、二十倍嘅盈利。」其解釋產品以月費形式出租,已包含產品維修及遊戲更新的費用,而四千五百元除以三十天是百五元,換而之每天有人玩一次遊戲已經能交租,更指有成功的酒吧案例是能透過此枱多賺七至八萬元的酒水錢。

撰文:黃綺敏
攝錄:關永浩

相關連結:
【Startup】專家:真係恭喜你 索女玩家:識到人
http://bit.ly/2hl4mUQ

【Startup●創業貼士】香港創業成本貴 概念到實踐限一年內
http://bit.ly/2yuSbsM

Leave a Reply

Your email address will not be published. Required fields are marked *